Elektron ticarət vergi nəzarətinə götürüləcək

2014-08-28 | Vergilər | 2511

Azərbaycanda elektron ticarət vergi nəzarətinə götürüləcək. Vergilər Nazirliyinin idarə rəisi Natiq Şirinovun sözlərinə görə, beynəlxalq təcrübə öyrənilərək təkmil vergi nəzarəti mexanizminin yaradılması üzərində iş aparılır. Qeyd edək ki, bu gün elektron ticarət klassik ticarətlə ciddi rəqabət aparır. Xarici ölkələrdə internetlə sifariş olunan mal 20-30 gün müddətində alıcıya çatdırılır və həmin məhsulun bəyənilmədiyi halda geri qaytarılması tam təmin edilir. Bizdə isə proses bu cür təkrarlansa da malın geri qaytarılmasında və ya dəyişdirilməsində bir çox problemlər yaranır. Halbuki, onlayn yolu ilə aldıqımız məhsulu 5 gün müddətində dəyişdirə və ya qaytara bilərik. Elektron ticarətdə narahatlıq doruran əsas məsələ onlayn əməliyyat zamanı məlumatların təhlükəsizliyinin təmin olunmamasıdır.

Qeyd edək ki, respublikamızda 2005-ci ildə "Elektron ticarət haqqında" qanun qəbul olunsa da elektron ticarətə ilkin olaraq 3 il sonra təsadüf olunub.

Mənbə: http://ucnoqta.az/?p=88626